АНТИЧКИ ТЕАТАР ОХРИД И ХЕРАКЛЕА - БИТОЛА

РОКЕНРОЛОТ СЕ ВРАЌА ВО ОХРИД И ВО БИТОЛА: 

ЕНЕРГИЧНИТЕ И СУПЕРКВАЛИТЕТНИ ВАН ГОГ ВО АНТИЧКИТЕ ТЕАТРИ ВО ОХРИД И ВО БИТОЛА!

06-ти август, Антички театар- Охрид

07-ми август, Хераклеа- Битола 

Драги пријатели, 

Задоволство ни е да ви го најавиме нашиот последен календарски проект за оваа сезона во преубавите Охрид и Битола и во уште поубавите антички театри, во коишто со особено задоволство настапуваат сите наши артисти што ги носиме таму.

Па така, за прв пат во својата кариера, сигурно во моментов најголемиот и најквалитетен рок бенд на балканските простори ВАН ГОГ, ќе одржи свој концерт во античкиот театар на 06-ти август со почеток во 22 часот, а утредента, на 07-ми август, бендот ќе настапи во Хераклеа во Битола и ќе го крене за една класа погоре концертот којшто последен пат го одржаа таму во 2015 година. 

Навистина ќе биде интересно ВАН ГОГ кој важи за бенд со техничка перфекција и беспрекорно свирење, да се слушне во ваков преубав амбиент, со сите хитови што ја одбележаа нивната три ипол децениска кариера.

Влезниците ќе бидат пуштени во продажба во сабота од 09 часот наутро преку продажната мрежа на Авалон низ земјава и онлајн на avalon.mk, по следниве цени:

ОХРИД:

ТРИБИНИ седење: 700 денари 

ВИП фан пит стоење: 1000 денари (само 200 билети во продажба)

БИТОЛА:

ТРИБИНИ седење: 600 денари

Авалон Продукција